«Rossiyalik xaker» Nikulin saylovlarga aralashuv haqida ma’lumotga egalik qilganlikda gumon qilinmoqda.

AQSh tergovchilari rossiyalikning AQSh saylovlariga aralashuvi haqida qanday ma’lumotlarga ega ekanligini aniqlash niyatida.

AQShda tergovchilar Rossiya fuqarosi Yevgeniy Nikulinning Rossiyaning AQSh saylovlariga aralashuvi haqidagi da’volari bo’yicha qanday ma’lumotlarga ega ekanligini aniqlashga harakat qilmoqdalar. Huquqni muhofaza qilish organlari xodimlarining fikricha, LinkedIn’ni buzib kirishda ayblangan xaker voqea bilan bog’liq muhim ma’lumotlarga ega bo’lishi mumkin, deb xabar beradi Bloomberg AQSh Adliya vazirligidagi manbalarga tayanib. Nikulinning advokati Arkadiy Buxning so’zlariga ko’ra, AQShning bu qiziqishi Rossiya rasmiylarining uning mijozining ishiga g’ayrioddiy qiziqishi bilan bog’liq bo’lishi mumkin. Rossiya elchixonasi vakillari ilgari Nikulin bilan uning advokati ishtirokisiz uchrashishgan.

Eslatib o’tamiz, 30 yoshli Nikulin LinkedIn, Dropbox va Formspring akkauntlarini buzib kirishda va 100 milliondan ortiq foydalanuvchining ma’lumotlarini o’g’irlashda ayblanmoqda. U 2016-yil oktyabr oyida Chexiyada hibsga olingan va keyinchalik Qo’shma Shtatlarga ekstraditsiya qilingan.

Rossiyalik o’ziga qo’yilgan ayblovlar bo’yicha aybsizligini tan oldi va yaqinda advokatlari bilan hamkorlik qilishni to’xtatdi, o’zini himoya qilish, hibsga olish yoki ruhiy salomatligi haqida ular bilan gaplashishdan bosh tortdi. Nikulinning sudi 2019-yil 28-yanvarga belgilangan.