Satori botnetining yaratuvchisi deb taxmin qilinayotgan shaxs AQShda ayblanmoqda.

Hujumchi raqib guruh xakerlari tomonidan «topshirilgan».

20 yoshli Kennet Kerrin Shuxman Alyaskaning Ankorij shahridagi AQSh tuman sudida bir nechta kompyuterlarni buzib kirishda ayblanmoqda. The Daily Beast nashrining xabar berishicha, boshqa xakerlar uni butun dunyo bo’ylab ko’plab routerlardan iborat katta botnet yaratuvchisi sifatida aniqlaganlaridan so’ng, huquqni muhofaza qilish organlari uni hibsga olishga muvaffaq bo’lishdi. Shuxman 2017-yil avgust va noyabr oylari oralig’ida bir nechta qurilmalarni zararlash uchun zararli dasturlardan foydalangan holda Kompyuter firibgarligi va suiiste’mollik to’g’risidagi qonunni buzganlikda ayblanmoqda.

Ayblov xulosasida zararli dastur nomi aytilmagan, ammo barcha belgilar o’tgan kuzda paydo bo’lgan va dunyo bo’ylab kamida 500 000 internet-routerlarni zararlagan Satori botnetiga ishora qiladi.

O’tgan yilning dekabr oyida Check Point tadqiqotchilari botnetni kiberjinoyatchilar bo’lishni istaganlar uchun HackForums.net veb-forumiga tez-tez tashrif buyuradigan Nexus Zeta laqabli xaker bilan bog’lashdi. Ikki oy o’tgach, raqib xakerlar guruhi Pastebin portalida Nexus Zetaning asl ismi Kennet Shakman ekanligini da’vo qilib, uni anonimlashtirdi.

Shakmanning sud majlisi 2018-yil 31-avgust kuni bo’lib o’tadi.