Telegram terrorchilarning raqamlari va IP manzillarini taqdim etishga va’da berdi

Tegishli band messenjerning yangilangan maxfiylik siyosatida ko’rsatilgan.

Telegram oʻzining rasmiy veb-saytida yangilangan maxfiylik siyosatini eʼlon qildi, unga koʻra messenjer maʼmuriyati foydalanuvchi maʼlumotlarini huquqni muhofaza qilish organlarining iltimosiga binoan oshkor qilish majburiyatini oladi. 8.3-bandda aytib oʻtilganidek, Telegram shaxsning IP-manzili va telefon raqamini oshkor qilishi mumkin, ammo bu faqat foydalanuvchining terrorchilik faoliyatiga aloqadorligini isbotlovchi sud qarori bilan amalga oshiriladi.

«Agar Telegram sizning terrorchilik faoliyatida gumon qilinayotganingizni tasdiqlovchi sud qarorini olsa, biz sizning IP-manzilingiz va telefon raqamingizni tegishli organlarga oshkor qilishimiz mumkin. Bu ilgari hech qachon sodir bo’lmagan. Bu sodir bo’lganda, biz bu ma’lumotni yarim yillik shaffoflik hisobotimizga kiritamiz», deyiladi yangilangan qoidalarda.

Telegram har olti oyda shaffoflik hisobotini eʼlon qilishni rejalashtirmoqda, unda foydalanuvchi maʼlumotlarining oshkor boʻlishi holatlari qayd etiladi.