WhatsApp boshqa odamlarning xabarlariga kirish huquqini bergani aniqlandi
Ilovani yangi telefon raqamiga ega yangi qurilmaga o’rnatayotganda, messenjer telefon raqamining oldingi egasining xabarlar tarixini ko’rsatadi.
Amazon xodimi Abby Fuller WhatsApp’dagi qiziqarli bir nuansni qayd etdi: ilovani yangi telefon raqami bilan yangi qurilmaga o‘rnatayotganda, messenjer telefon raqamining oldingi egasidan kelgan xabarlar arxivini to‘liq ko‘rsatadi. “Ha, bu yangi qurilma edi. Yo‘q, u ishlatilmadi. SIM-karta ham ishlatilmadi. Ha, ishonchim komilki, bu mening xabarlarim yoki men a’zo bo‘lgan guruhlar emas edi. Ha, ular oddiy matnda ko‘rsatildi. Ishonchim komilki, bu mening telefon raqamim edi; ma’lumotlar zaxira nusxasidan tiklanmagan”, deb ta’kidladi Fuller o‘zining Twitter’dagi postida.
Boshqa foydalanuvchilar ham WhatsApp’ni yangi telefon raqamiga ega qurilmaga o‘rnatayotganda ular bilan ham shunday holat yuz berganini tasdiqlashdi. WhatsApp hujjatlariga ko‘ra, xabarlar tarixi 45 kunlik harakatsizlikdan keyin butunlay o‘chiriladi.
«Eski hisobingizni o’chirishni unutmang. Agar hisobingizni o’chirmasangiz va eski telefoningizga kirish huquqini yo’qotsangiz, xavotir olmang. Agar raqamingizning yangi egasi 45 kundan keyin yangi telefonda WhatsAppni faollashtirsa, hisob bilan bog’liq barcha ma’lumotlar butunlay o’chiriladi», deyiladi qo’llab-quvvatlash sahifasida.
Biroq, Abbi raqamni o’sha vaqtdan ko’proq vaqt davomida egallab kelganini da’vo qilmoqda. Bu holda, xabarlar tarixi hozirgacha o’chirilishi kerak edi, ammo o’chirilmadi. Bu xabar almashish ilovasidagi xato bo’lib ko’rinadi, ammo WhatsApp vakillari hali izoh berishmadi.
